“Садои равшани субҳ” -баргузида аз сурудаҳои шоирони форсизабони Эрон

Душанбе, 20.10.2015. (АМИТ «Ховар ).-“Нашриёти Бухоро” бо ташаббуси Ройзании фарҳангии Ҷумҳурии Исломии Эрон дар Тоҷикистон китоберо таҳти унвони “Садои равшани субҳ” аз чоп баровард.
Бино ба иттилои сомонаи расмии Китобхонаи миллии Тоҷикистон, “Садои равшани субҳ” баргузидае аз сурудаҳои шоирони форсизабони муосири Эрон мебошад, ки гирдоварӣ ва таҳияи ин асари гаронқадрро Маркази густариши забони форсӣ бар уҳда дошта, аз ҷониби корманди Китобхонаи миллии Тоҷикистон Муҳаммаднабӣ Баёнӣ аз хатти форсӣ ба сириллик баргардон шудааст.  
Китоби мазкур аз 118 сафҳа иборат буда,  дар бораи ҳаёт ва осори 55 шоири муосири Эрон  маълумот медиҳад. Ҳамзамон  намунае аз ашъори  ҳар як шоир оварда шудааст.
 “Садои равшани субҳ” барои боз ҳам густариш ёфтани муносибатҳои адабии ду кишвари ҳамфарҳанг ва ҳамзабон  мусоидат менамояд.