Ҳалокати беш аз 100 нафар бар асари таркиш дар корхонаи газ дар Нигерия

Душанбе, 25.12.2015 (АМИТ «Ховар») .- Бар асари таркиш дар корхонаи коркарди гази ширкати Chikason Group дар шаҳри Нневии Нигерия беш аз 100 нафар ҳалок шуд. Дар ин бора «Naij » хабар медиҳад.
Қурбониёни ин таркиш аксаран дар оташ фавтидаанд.
Бино ба иттилои шоҳидон, ин ҳодиса соати 11-и рӯз рух додааст. Ҷабрдидагон ба беморхонаи маҳаллӣ интиқол дода шудаанд. 
Наҷотдиҳандагон аз сабаби зиёд будани алангаи оташ сари вақт натавонистаанд, ки ба корхона ворид шаванд. 
Reuters дар мавриди 4 фавтида ва 4 осебдида хабар додааст.
Таркиш ҳангоми пур кардани зарфҳои  газ ба амал омада, корхона пурра хароб гардидааст. Инчунин якчанд хонаи истиқоматии атрофи  корхона хисорот дидаанд.