Барои дастгирии фаъолияти соҳибкории бекорон беш аз 12 миллион ҷудо гардид

Январь 4, 2016 15:17

Душанбе, 01.04.2016. (АМИТ «Ховар»). — Дар давоми соли 2015 аз ҷониби мақомоти меҳнат ва шуғли аҳолӣ барои машғул шудан ба фаъолияти соҳибкорӣ ба 3846 шаҳрванд ба андозаи 12 миллиону 111 ҳазору 824 сомонӣ, ё худ ба ҳар як шаҳрванд ба андозаи 78,7 нишондиҳанда барои ҳисобҳо маблағ дода шуд, ки ин дар муқоиса ба соли 2014, 116,5 фоизро ташкил дода, 13 нафар дар таносуб зиёд мебошад.
Дар ин давра, тавассути мақомоти меҳнат ва шуғли аҳолӣ дар ВМКБ ба 625 шаҳрванди бекор ба маблағи 1 млн. 659 ҳазору 960 сомонӣ, вилояти Суғд ба 1052 нафар дар ҳаҷми 3 млн. 190 ҳазору 687 сомонӣ, вилояти Хатлон ба 984 шаҳрванди бекор ба андозаи 3 млн. 378 ҳазору 382 сомонӣ, шаҳри Душанбе ба 226 нафар ба маблағи 901 ҳазору 400 сомонӣ, шаҳрҳо ва ноҳияҳои тобеи ҷумҳурӣ ба 959 шаҳрванди бекор дар ҳаҷми 2 млн. 981 ҳазору 395 сомонӣ барои рушди соҳаҳои гуногуни соҳибкорӣ кумаки молиявӣ пардохт гардид.
Дар давоми соли 2015 тавассути мақомоти меҳнат ва шуғли аҳолӣ барои пешбурди фаъолияти истеҳсолӣ ба 1 692 шаҳрванди бекор дар ҳаҷми 5 миллиону 329 ҳазору 203 сомонӣ, барои пешбурди фаъолияти тиҷоратӣ ба 1192 шахси бекор ба андозаи 3 миллиону 754 ҳазору 665 сомонӣ ва барои пешбурди фаъолияти хизматрасонӣ ба аҳолӣ ба 962 шаҳрванди бекор ба маблағи 3 миллиону 027 ҳазору 956 сомонӣ кумаки молиявӣ дода шуд.
Аз таҳлили раванди дастгирии молиявии шаҳрвандони бекор бармеояд, ки 44 фоиз ба фаъолияти истеҳсолӣ, 31 фоиз ба фаъолияти тиҷоратӣ ва 25 фоизи дигар ба фаъолияти хизматрасонӣ ба аҳолӣ машғул мебошанд.
Дар ин давра ба масъалаи дастгирии ташаббуси соҳибкории занон ва ҷавонон аҳамият дода шуда, ба 1854 нафар зан дар ҳаҷми 5 млн. 837 ҳазору 899 сомонӣ ва ба 1442 ҷавон ба андозаи 4 млн. 541 ҳазору 934 сомонӣ кумаки молиявӣ пардохт гардид.
Дар давоми соли ҷорӣ 12 миллиону 007 ҳазору 963 сомонӣ маблағи қарзҳои имтиёзноки додашуда аз ҷониби шаҳрвандон баргардонида шуданд.

Январь 4, 2016 15:17

Хабарҳои дигари ин бахш

Дар Пекин масъалаҳои рушди қонунгузорӣ ва таҷрибаи муосири давлатдорӣ баррасӣ гардиданд
Дар Москва ҷаласаи 11-уми Алянси Авруосиёии омбудсменҳо баргузор гардид
Бахшида ба Рӯзи Президент дар вилояти Суғд роҳпаймоии идона баргузор шуд
Ҳамкории ҳуқуқии Тоҷикистону Чин дар Пекин баррасӣ гардид
Рӯзи Президентро дар ноҳияи Ёвон бо баргузории чорабиниҳои гуногун таҷлил намуданд
Ба муносибати Рӯзи Президент ва Иҷлосияи XVI Шурои Олӣ дар бинои Ҳукумати  Ҷумҳурии Тоҷикистон ҷамъомад баргузор шуд
Дар мавзуи «Низоми идоракунии президентӣ ва таъмини амнияти давлатӣ» ҳамоиши илмӣ-амалӣ доир шуд
Дар мақомоти Ваколатдор оид ба ҳуқуқи инсон бахшида ба Рӯзи Президенти Тоҷикистон ҳамоиш баргузор шуд
СИЁСАТИ ХОРИҶИИ ТОҶИКИСТОН – НАМУНАИ ДИПЛОМАТИЯИ МУТАВОЗИНУ СОЗАНДА. Эҳдо ба Рӯзи Президенти Ҷумҳурии Тоҷикистон
Дар Душанбе таҳти унвони «Президент — симои миллат ва рамзи давлат» ҳамоиши ҷумҳуриявӣ доир шуд
РӮЗИ ПРЕЗИДЕНТ ВА ТАҶАССУМИ ИРОДАИ ТАЪРИХИИ МИЛЛАТ ДАР БУНЁДИ ДАВЛАТДОРИИ НАВИН. Мулоҳизаҳои академик Фарҳод Раҳимӣ
ИҶЛОСИЯИ XVI – ЗАМИНАИ ТАЪРИХИИ ТАҲКИМИ ДАВЛАТДОРӢ, ҚОНУНИЯТ ВА АДОЛАТИ СУДӢ. Андешаҳо дар ин маврид