Дар натиҷаи 22 ҳодисаи нохуш 13 нафар ҳалок гардид
![](https://khovar.tj/wp-content/uploads/2016/01/DSC_5110.jpg)
Душанбе, 15.01.2016. (АМИТ «Ховар»). -«Аз тарафи нозироти хадамот 22 ҳодисаи нохуш ва 1 садамаи истеҳсолии категорияи I ба қайд гирифта шудааст. Дар натиҷаи ҳодисаҳои нохуш 13 нафар ҳалок, 15 нафар ҷароҳати ҷисмонӣ бардоштаанд, ки нисбат ба соли 2014 зиёдтар мебошад». Ин нуктаро имрӯз зимни нишасти матбуотӣ сардори Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати ҶТ Раҳим Санъат Асо ироа намуд.
Бино ба иттилои С.Раҳим, дар соли 2014 -15 ҳодисаи нохуш бо фавти 13 нафар ба қайд гирифта шуда, 3 нафар ҷароҳати ҷисмонӣ бардоштааст.
“Дар соли 2015 хадамот ба корхонаву ташкилот ва иншооти бақайдгирифташуда 203 иҷозатномаи намудҳои фаъолият, аз ҷумла 94 шаҳодатномаи хариди маводи тарканда, 38 шаҳодатномаи истифодаи анбори маводи тарканда ва 102 иҷозат барои гузаронидани корҳои таркишӣ дода шуд”,-илова намуд сардори хадамот.