Ҷанни Инфантино-Президенти нави FIFA
Душанбе, 27.02.2016 (АМИТ «Ховар»).-Дирӯз дар Швейтсария дар Конгресси FIFA Президенти нави ин иттиҳоди шуҳратманд ва қудратманд интихоб гардид. Номзадии Шайх Салмон бин Иброҳим Алхалифа аз Баҳрайн, Президенти КФО, Жером Шампан аз Фаронса, Малик Алӣ бин Ҳусейн аз Урдун, Токио Сексвале аз Африқо ва Ҷанни Инфантино аз Швейтсария ва Италия пешниҳод шуданд.
Токио Сексвале пеш аз оғози овоздиҳӣ номзадии худро бозхонд ва дар даври аввали раъйдиҳӣ чор нафар иштирок карданд, ки дар натиҷа Ҷанни Инфантино 88, Шайх Салмон 85, Малик Алӣ 27 ва Жером Шампан 7 овозӣ гирифтанд.
Дар даври дуввум Ҷанни Инфантино бо 115 овози раъйдиҳандагон ба мансаби Президенти нави FIFA интихоб шуд. Шайх Салмон дар ин марҳала нисбат ба даври аввал ҳамагӣ 3 овоз бештар гирифт.
Дар суханони пешазинтихобии худ Ҷанни Инфантино ваъда дод, ки ҳайати иштирокдорони Чемпионати ҷаҳонро бештар мекунад, бозиҳои ниҳоиро дар якчанд кишвар барпо менамояд, технологияи муосирро дар футбол ҷорӣ менамояд ва ба 209 аъзои федератсия ба маблағи 5 миллион доллар барои рушди футбол кумак мерасонад.
Баъди интихоб шуданаш ӯ афзуд: “Аз имрӯз таърихи нави FIFA оғоз шуд, иттиҳоде, ки онро эҳтиром мекунанд ва он ифтихори мост. Ваъда медиҳам, ки барои ривоҷи тамоми федератсияҳои аъзои он меҳнат мекунам. Давраи нави футбол дар ҷаҳон фаро расид”
Маълумотнома:
Ҷанни Инфантино (Gianni Infantino) 23 марти соли 1970 дар Бриге (кантон Вале, Швейтсария) таваллуд шудааст.
Факултаи ҳуқуқи донишгоҳи Фрибургро хатм карда, ҳамчун мушовир дар ниҳодҳои футболи Италия, Испания ва Швейтсария фаъолият кардааст. Котиби Генералии маркази байналмилалии тадқиқот дар соҳаи варзиш.
Аз моҳи августи соли 2000 -ум ба Иттиҳоди футболи Аврупо дар масъалаи ҳуқуқ ва тиҷорат кумак кардааст. Аз соли 2007 муовини котиби генералии Иттиҳоди футболи Аврупо.
Аз 1 октябри соли 2009 –Котиби генералии УЭФА
26 феврали соли 2016 бо 115 овоз — Президенти нави FIFA интихоб шуд.
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
Дар шаҳри Оснабрюки Олмон бахшида ба Рӯзи ҷаҳонии футбол мусобиқа баргузор гардид
25 МАЙ — РӮЗИ ҶАҲОНИИ ФУТБОЛ. Дар Варзишгоҳи марказии ҷумҳуриявӣ Фестивали футбол доир мегардад
