Ба қонуни матбуоти даврӣ ва дигар ВАО иловаҳо ворид мегарданд- ҳадаф таҳкими амнияти иттилоотист

Душанбе,01.02.2016.(АМИТ «Ховар»).- Интизор меравад, ки палатаи поёнии Парлумони Тоҷикистон дар ояндаи наздик ба лоиҳаи Қонуни Ҷумҳурии Тоҷикистон «Дар бораи матбуоти даврӣ ва дигар воситаҳои ахбори омма» иловаҳо ворид намояд.
Олим Салимзода- раиси Кумитаи Маҷлиси намояндагон оид ба масъалаҳои байналмилалӣ, иттиҳодияҳои ҷамъиятӣ ва иттилоот мегӯяд, ки лоиҳаи қонуни мазкур бо мақсади беҳтар намудани назорат оид ба фаъолияти воситаҳои ахбори омма /ВАО/ ва таъмину таҳкими амнияти иттилоотӣ таҳия ва пешниҳод шудааст, зеро аз таҳлилҳо бармеояд, ки дар қонуни амалкунанда салоҳияти мақоми ваколатдори давлатии баҳисобгирии ВАО, ҳамчунин мақомоти прокурорӣ ва судӣ барои андешидани тадбирҳо ҳангоми қонуншиканиҳо ё дигар асосҳои ҳуқуқии қатъ гардонидани фаъолияти ВАО муайян карда нашудааст.