Дар Маҷлиси намояндагон бахшида ба Рӯзи Қувваҳои Мусаллаҳ ҳамоиши идона доир шуд
ДУШАНБЕ, 23.02.2026 /АМИТ «Ховар»/. Имрӯз дар Маҷлиси намояндагони Маҷлиси Олии Ҷумҳурии Тоҷикистон бахшида ба 33-юмин солгарди Рӯзи Қувваҳои Мусаллаҳи Ҷумҳурии Тоҷикистон ҳамоиши идона баргузор гардид. Дар ин хусус ба АМИТ «Ховар» аз Маҷлиси намояндагон хабар доданд.
Дар ҳамоиш Раиси Маҷлиси намояндагони Маҷлиси Олии Ҷумҳурии Тоҷикистон Файзалӣ Идизода иброз дошт, ки бо ташаббус ва талошҳои Президенти Ҷумҳурии Тоҷикистон муҳтарам Эмомалӣ Раҳмон 23 феврали соли 1993 Қувваҳои Мусаллаҳи Ҷумҳурии Тоҷикистон расман таъсис дода шуданд. Ин иқдом заминаи устувор барои таҳкими давлатдорӣ, ҳифзи истиқлолият ва якпорчагии кишвар гардид.
«Аз рӯзҳои нахустини таъсисёбӣ Қувваҳои Мусаллаҳи Ҷумҳурии Тоҷикистон роҳи пуршарафи ташаккул ва рушдро тай намуд. Бо вуҷуди мушкилоти солҳои аввал хизматчиёни ҳарбӣ бо садоқат ва ҳисси баланди ватандӯстӣ дар роҳи ҳифзи сулҳу субот ва оромии ҷомеа саҳми арзанда гузоштанд. Имрӯз Қувваҳои Мусаллаҳ ба як ниҳоди пуриқтидор ва муназзами ҳарбӣ табдил ёфта, бо техника ва таҷҳизоти муосир таъмин мебошанд»,-афзуд Файзалӣ Идизода.
Дар ҳамоиш таъкид гардид, ки имрӯз Артиши миллии Тоҷикистони соҳибистиқлол ба сохтори муташаккилу неруманд ва яке аз рукнҳои муҳимми давлатдории навини тоҷикон табдил ёфта, кафили ҳифзи сулҳу ваҳдат ва зиндагии осудаи мардуми Тоҷикистон гардидааст.
АКС: Маҷлиси намояндагони Маҷлиси Олии Ҷумҳурии Тоҷикистон
БАРНОМАИ ТАЪЛИМУ ТАРБИЯИ ҲУҚУҚИИ ШАҲРВАНДОНИ ҶУМҲУРИИ ТОҶИКИСТОН. Доир ба татбиқи он вохӯрӣ баргузор шуд
Вакилони Маҷлиси намояндагон дар Форуми дуюми занони Осиё иштирок намуданд
НИҲОДИ МУҚАДДАСЕ, КИ ДАР ОН АРЗИШҲОИ ИНСОНӢ ТАШАККУЛ МЕЁБАНД. Эҳдо ба Рӯзи байналмилалии оила
Рустами Эмомалӣ бо Тсюй Дунъюй мулоқот намуданд
Файзалӣ Идизода бо Сафири Покистон дар Тоҷикистон мулоқот намуд
ФАЗИЛАТИ ВАТАНДӮСТӢ ДАР «ШОҲНОМА». Ин достон ба дониш, муҳаббат ва ирода асос ёфтааст
Таҳкими ҳамкории байнипарлумонии Тоҷикистон ва Фаронса баррасӣ шуд
Вакилони Маҷлиси намояндагон якчанд санадро ба тасвиб расониданд
Дурнамои ҳамкории Тоҷикистону Фаронса дар самти таҳкими нақши занон дар ҳаёти ҷамъиятию сиёсӣ баррасӣ шуд
Ҷаласаи навбатии Шурои Маҷлиси намояндагони Маҷлиси Олӣ, даъвати ҳафтум баргузор гардид
Муовини Раиси Маҷлиси намояндагон бо Президенти Сенати иёлоти Ютаи Амрико вохӯрӣ намуд
Вакилони Маҷлиси намояндагон якчанд созишномаро ба тасвиб расониданд
