Даври аввали рақобатҳо барои Ҷоми КФО ҷамъбаст шуд

Душанбе, 25.02.2016 (АМИТ «Ховар»).-Даври аввали  рақобатҳо барои Ҷоми Конфедератсияи футболи Осиё дар ҳашт гурӯҳ дирӯз ҷамъбаст гардид. Чун дастаи “Истиқлол”-и Тоҷикистон ба минтақаи клубҳои Осиёи марказӣ ва ҷанубӣ  дохил мешавад, мо дар бораи натиҷаи ин гурӯҳҳо маълумот пешкаш мекунем.

Дар гурӯҳи “А” клуби футболи “Алтин Асир”-и  Туркманистон бар “Алаҳад”-и Лубнон дар майдонаш бо нишондоди 2 бар 0 ғалаба кард. Бозии дигари ин гурӯҳ бо ширкати дастаҳои “Алваҳдот”-и Урдун ва “Алҳидд”-Баҳрайн бо ҳамин натиҷа ба охир расид. Дар дигар гурӯҳҳо чунин натиҷаҳо ба даст омаданд:

Гурӯҳи “Б”  Истиқлол (Тоҷикистон)  – Алфайсалӣ(Урдун) 0:0;

Нафт Алвасат (Ироқ)  – Триполӣ клаб (Лубнон) 1:0;

Гурӯҳи “С” Алдаҳария (Фаластин) — Айр Форс клаб (Ироқ) 0:2;

Алоруба (Уммон)-Алваҳда (Сурия) 2:1;

Гурӯҳи “Д” Алҷайш (Сурия)  — Фанҷа(Уммон) 1:0;

Алмуҳаррақ (Баҳрайн) – Аҳли Алхалил(Лубнон) 2:1.