Машваратҳо байни вазоратҳои корҳои хориҷии Тоҷикистон ва Покистон

Февраль 10, 2016 16:34

Душанбе, 10.02.2016 (АМИТ «Ховар»).- 9 феврали соли 2016 дар шаҳри Душанбе даври навбатии машваратҳо байни вазоратҳои корҳои хориҷии Ҷумҳурии Тоҷикистон ва Ҷумҳурии Исломии Покистон таҳти раҳбарии муовини якуми вазири корҳои хориҷии Тоҷикистон Низомиддин Зоҳидӣ ва муовини вазири корҳои хориҷии Покистон Амҷад Ҳусейн Сиал баргузор шуд.
Ҷонибҳо ҳолат ва дурнамои рушди ҳамкории ду кишварро дар арсаҳои сиёсӣ, тиҷоратию иқтисодӣ, энергетикӣ, иртиботи нақлиётӣ, фарҳангӣ ва гуманитарӣ баррасӣ карданд. Дар ин росто ба ҷараёни иҷрои тавофуқоте, ки дар натиҷаи мулоқоти роҳбарони ду кишвар моҳи ноябри соли 2015 дар Исломобод ҳосил шуданд, таваҷҷуҳи махсус зоҳир гардид.
Барои тақвияти ҳамкории вазорату идораҳои дахлдор, барқарор намудани робитаҳои фаъол байни соҳибкорон ва доираҳои илмию фарҳангии Тоҷикистону Покистон ва инчунин тавсеаи пояи шартномавию ҳуқуқии муносибатҳои дуҷониба дар соҳаҳои мухталиф иқдомҳои муштарак ҳамоҳанг карда шуданд.
Бо назардошти сатҳи баланди ҳамкории сиёсии Тоҷикистон ва Покистон дар атрофи масъалаҳои мубрами минтақа ва таҳкими минбаъдаи ҳамкории самарабахш дар самти мубориза бар зидди чолишҳои амнияти миллӣ ва минтақавӣ табодули назар сурат гирифт.
Дар натиҷаи машваратҳо омодагии ҳарду ҷониб ба тавсеаи беш аз пеши робитаҳои сиёсӣ, аз ҷумла дар сатҳҳои олию баланд ва ҳамкории мутақобилан судманд дар ҳамаи соҳаҳои мавриди таваҷҷуҳ таъкид гардид.

Февраль 10, 2016 16:34

Хабарҳои дигари ин бахш

Ҳамкории судманди Тоҷикистон ва сохторҳои Созмони Милали Муттаҳид баррасӣ карда шуд
Дар Женева самтҳои муҳими ҳамкории Тоҷикистон бо UNHCR баррасӣ карда шуданд
Байни ҳукуматҳои Тоҷикистон ва Ҷопон доир ба лоиҳаи «JDS» Ёддоштҳои табодулӣ ба имзо расиданд
Дурнамои рушди муносибатҳои минтақаҳои Тоҷикистон ва минтақаи Приморски Русия дар бахшҳои гуногун баррасӣ шуд
Вазири корҳои хориҷии Тоҷикистон бо сафири навтаъйини Ҷумҳурии Мардумии Чин мулоқот намуд
Дар Конфедератсияи Швейтсария имконоту зарфияти сайёҳии Тоҷикистон муаррифӣ гардид
Сафири Тоҷикистон бо ҳамватанони муқими ҳавзаи федералии Шарқи Дури Русия вохӯрӣ намуд
Давлатшоҳ Гулмаҳмадзода ва Сергей Кузнесов дурнамои ҳамкории дуҷонибаро баррасӣ намуданд
Рушди ҳамкории фарҳангии Тоҷикистон ва Эрон баррасӣ шуд
Дурнамои таҳкими ҳамкории гуногунсоҳаи Тоҷикистон ва Узбекистон баррасӣ карда шуд
Ҷалби сармоягузории Швейтсария ба бахшҳои калидии Тоҷикистон баррасӣ карда шуд
Дар Душанбе оид ба омодагӣ ба Форуми сармоягузорӣ дар соҳаи сайёҳӣ брифинг доир шуд