С. Аслов: Муносибатҳои Тоҷикистон бо Ҷопону Чин марҳалаи наву босифат касб карданд

Душанбе, 04.02.2016 (АМИТ «Ховар») — «Бори нахуст дар таърихи муносибатҳои дуҷонибаи Тоҷикистону Ҷопон сафари расмии Сарвазири Ҷопон Шиндзо Абэ ба Душанбе 24-уми октябри соли гузашта сурат гирифт, ки имзои 9 санади нави ҳамкорӣ миёни ду кишварро дар пай дошт», — гуфт 4 феврал зимни нишасти матбуотӣ вазири корҳои хориҷии Тоҷикистон Сироҷиддин Аслов.
Дар самти тавсеаи ҳамкорӣ бо Ҷумҳурии Мардумии Чин дидори роҳбарони ду кишвар 3-4 сентябри соли 2015 дар Пекин як гардиши муҳим буд, ки дар натиҷаи он бастаи санадҳои нави ҳамкорӣ ба имзо расид.
Хотиррасон бояд шуд, ки ҳоло Тоҷикистон бо 128 кишвари ҷаҳон муносибатҳои дипломатӣ дошта, соли 2015 аз ҷониби Ҳукумати мамлакат ба намояндагони 17 кишвари хориҷӣ барои таъйинашон ба ҳайси сафири давлати хориҷӣ дар Ҷумҳурии Тоҷикистон ризоят (агреман) дода шудааст.