Таъиноти кадрӣ

Душанбе, 22.02.2016. (АМИТ «Ховар»). — Имрӯз Асосгузори сулҳу Ваҳдати миллӣ-Пешвои миллат, Раиси Ҳукумати кишвар муҳтарам Эмомалӣ Раҳмон дар ҳайати роҳбарии фурудгоҳҳои байналмилалии Хуҷанду Қӯрғонтеппа ва сохтори Хадамоти назорати давлатии фармасевтии Вазорати тандурустӣ ва ҳифзи иҷтимоии аҳолӣ тағйироти кадрӣ ворид намуд.

Ҳамин тариқ, бо қарорҳои Ҳукумати Ҷумҳурии Тоҷикистон Маҳмудзода Маъруф аз вазифаи Директори генералии ҷамъияти саҳомии кушодаи “Фурудгоҳи байналмилалии Хуҷанд” озод ва ба вазифаи Директори генералии ҷамъияти саҳомии кушодаи “Фурудгоҳи байналмилалии Қӯрғонтеппа” таъин карда шуд.

Қурбони Алимардон Директори генералии ҷамъияти саҳомии кушодаи “Фурудгоҳи байналмилалии Хуҷанд” таъин гардида, Леонов Михаил Константинович аз вазифаи Директори генералии Ҷамъияти саҳомии кушодаи “Фурудгоҳи байналмилалии Қӯрғонтеппа” озод карда шуд.

Бо қарорҳои дигари Ҳукумати мамлакат Холназаров Баҳодур Маҳмадназарович бо сабаби ба кори дигар гузаштан аз вазифаи Сардори Хадамоти назорати давлатии фармасевтии Вазорати тандурустӣ ва ҳифзи иҷтимоии аҳолӣ озод гардида, ба ҷойи ӯ Бекмуродзода Султон Бегмурод сардори ин хадамот таъин гардид.