Истеҳсоли 139,1 тонна помидор дар гармхонаҳои ҷумҳурӣ

Душанбе, 19.03.2016 (АМИТ «Ховар»).- Мувофиқи маълумотҳои раёсати растанипарварии Вазорати кишоварзии Ҷумҳурии Тоҷикистон то 11-уми марти соли равон  дар гармхонаҳои доимӣ аз ҳисоби кишти умумӣ 139,1 тонна помидор, 92,7 тонна бодиринг ва 134,4 тонна дигар сабзавот ҷамъоварӣ шудааст.

Деҳқонони вилояти Хатлон то санаи мазкур аз гармхонаҳои доимии вилоят ба миқдори 154,7 тонна сабзавот истеҳсол намудаанд, ки аз он 53,3 тонна помидор, 35,2 тонна бодиринг ва 66,2 тоннаро дигар сабзавот ташкил медиҳанд. Дар вилояти мазкур деҳқонони ноҳияи Ёвон пешсаф буда, то ба имрўз 35 тонна помидор, 10 тонна бодиринг ва 22 тонна дигар сабзавотҳоро истеҳсол намудаанд.

Лозим ба ёдоварист, ки имсол дар гармхонаҳои ҷумҳурӣ дар майдони 63,24 гектар кишти сабзавот гузаронида шудааст.