Медали тиллои Назиров дар Туркия ва нишони биринҷии Ҷебов дар Русия

Душанбе, 07.03.2016. (АМИТ «Ховар»).-Ёқуб  Назиров    паҳлавони     навраси   тоҷик   дар  мусобиқаи  дзюдои   Ҷоми   Аврупо  медали   тиллоро  ба гардан овехт.

Ин  сабқат  шашуми   март  дар   шаҳри  Анталияи   Туркия  баргузор шуд,ва  Ёқуб  Назиров    дар вазни   81 кило  сазовори   мақоми   аввал  гардид.Дар ин  рӯз  Толиб  Ҷебов, тоҷикписари    муқими    Русия  дар   мусобиқаи   қаҳрамони   дзюдои   Русия байни ҷавонон дар  шаҳри  Ростови  лаби  Дон   дар   вазни   60-кг  барандаи  медали  бринҷи  шуд.

Ёдовар  мешавем, ки  Ёқуб  Назиров   узви  тими  мунтахаби  наврасони  дзюдочиёни  кишвар  мебошад.У  соли  гузашта   низ  дар мусобиқаи  қаҳрамонии дзюдои Ҷоми   Аврупои   Анталияи   Туркия   иштирок  карда  ва  дар вазни  73-кг  мақоми  сюмро  соҳиб  шуд. Ёқуб  қаҳрамони  чанкаратаи  Тоҷикистон   буда, дар  мусобиқоти   дзюдои  Осиё ҳам  дастболо  гардидааст. Толиб  Ҷебов,ки феълан дар  бошишгоҳи   дзюдои «Морӣ»-и  шаҳри  Иркутск зери  сарпарастии  мураббии  варзида—  Эргаш  Маҳмадбеков  тамрин  мекунад, қаҳрамони   дзюдои   Тоҷикистон  буда,   чанд  соли  охир дар    Русия  зиндагӣ  мекунад. Толиб   қаҳрамони мусобиқаи     дзюдои   минтақаи  Сибири  Русия низ  мебошад.