Пешгирӣ аз қочоқи 35 000 кг нурии маъданӣ дар шоҳроҳ
Душанбе, 28.03.2016.(АМИТ «Ховар»).-Дар шоҳроҳи Хуҷанд- Душанбе гумрукчиёни тоҷик аз қочоқи 35 ҳазор килограмм нурии маъдании «Суперфосфат» пешгирӣ намуданд.
Зимни гузаронидани амалиёти гумрукӣ дар ин шоҳроҳ кормандони Раёсати минтақавии гумрукӣ дар шаҳри Душанбе воситаи нақлиёти тамғаи «Дулан»-ро барои гузаронидани санҷиши қонунияти воридоти мол нигоҳ доштанд. Ҳангоми назорат ва санҷиш маълум гардид, ки дар дохили контейнер ва ядаки нақлиёт 700 халта нурии минералии «Суперфосфат» дар ҳаҷми 35 ҳазор килограмм мавҷуд буда, он ба шаҳрванди Ҷумҳурии Тоҷикистон Г. Э мутааллиқ будааст.
Шаҳрванд Г.Э доир ба моли интиқолдодааш ягон ҳуҷҷати воридотӣ ба кормандони гумрук пешниҳод карда натавонист. Нисбат ба ин қонунвайронкунӣ парвандаи маъмурӣ боз шуда, барои тафтиш ба суди ноҳияи Фирдавсии пойтахт ирсол гардид.
Имрӯз дар Донишгоҳи давлатии тиббӣ ва Донишгоҳи давлатии омӯзгорӣ нишасти матбуотӣ баргузор мегардад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
Аз 21 то 23 июл дар Тоҷикистон ҳавои номусоид ва бориши борон дар назар аст
МегаФон Тоҷикистон дастрасии муштариёнро ба онлайн-кинотеатри Wink боз намуд
Имрӯз дар шаҳри Душанбе ҳаво то 40 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 35 дараҷа гарм мешавад
