Вохӯрии директори АМИТ «Ховар бо Дэвид Кэй

Душанбе, 07.03.2016 (АМИТ «Ховар»). – Субҳи имрӯз мулоқоти директори Агентии миллии иттилоотии «Ховар»-и назди Ҳукумати Ҷумҳурии Тоҷикитон Заробиддин Қосимӣ бо гузоришгари вежаи СММ оид ба пешбарӣ ва ҳифзи ҳуқуқ ба озодии андеша ва баён Дэвид Кэй баргузор гардид.

Зимни мулоқот оид ба самтҳои фаъолияти агентии «Ховар», аз ҷумла дар сомонаи интернетии www.khovar.tj  пахш шудани хабару гузоришҳои дақиқу муътамад ва саривақтӣ аз ҳаёти сиёсӣ, иқтисодӣ, иҷтимоӣ, фарҳангиву варзишӣ, бо панҷ забон маълумот дода шуд.

Дэвид Кэй дар навбати худ аз ҳуқуқи шаҳрвандони кишвар ба ахбори расмиву муътамад аз фаъолияти Ҳукумати мамлакат ва таъмину риояи ҳифзи ҳуқуқ ба озодии андеша ва баён изҳори назар кард. Дэвид Кэй барои даъват шуданаш ба Тоҷикистон ва дастгирӣ ёфтани сафари ӯ ва ҳамроҳанаш изҳори миннатдории самимӣ намуд.

Хотирасон мекунем, ки гузоришгари вежаи СММ оид ба пешбарӣ ва ҳифзи ҳуқуқ ба озодии андеша ва баён бо сафари корӣ дар Тоҷикистон қарор дошта, аллакай якчанд вохӯрӣ ва мулоқот бо роҳбарияти парлумон ва вазоратҳои кишвар баргузор кард.