Ҷамъбасти озмуни вилоятии «Сенарияи беҳтарин» дар Хатлон

Душанбе, 22.04.2016/АМИТ«Ховар»/. 4-уми майи соли равон дар вилояти Хатлон озмуни вилоятии «Сенарияи беҳтарин оид ба баргузории чорабинии фарҳангӣ бахшида ба ҷашни 25-солагии Истиқлолияти давлатии Ҷумҳурии Тоҷикистон» ҷамъбаст мегардад.
Кумитаи тадорукоти озмун сенарияҳои пешниҳодшударо баррасӣ намуда, ба сенарияҳое бартарӣ медиҳад, ки дар он дастовардҳои 25 соли Истиқлолияти давлатӣ пурра инъикос гардида, дар рӯҳияи созандагиву бунёдкорӣ тарбия намудани насли наврас, таҳкими худшиносиву худогоҳии ҷомеа, эҳёи анъана ва суннатҳои миллӣ, рӯ ба илму фарҳанг овардани ҷавононро бозтоб ва ташвиқ намояд.
Ғолиби озмунро 5 ҳазор сомонӣ мукофотпулӣ интизор аст.