Баррасии дурнамои рушди муносибатҳои дуҷониба миёни Ҷумҳурии Тоҷикистон ва Амороти Муттаҳидаи Араб
Душанбе,14.04.2016 /АМИТ «Ховар»/. Консули генералии Ҷумҳурии Тоҷикистон дар шаҳри Дубай ва аморатҳои шимолии Давлати Амороти Муттаҳидаи Араб Баҳодур Сафарзода 13 апрел Патенти консулии худро ба Ноиби раҳбари Намояндагии Вазорати корҳои хориҷии Давлати Амороти Муттаҳидаи Араб дар Дубай ҷаноби Рошид Матар Ас-Сирӣ Ал-Қамазӣ расман супорид.
Дар мулоқот ҷонибҳо дурнамои рушди муносибатҳои дуҷониба миёни Ҷумҳурии Тоҷикистон ва Амороти Муттаҳидаи Арабро дар соҳаҳои гуногун мавриди баррасӣ қарор дода, оид ба имкониятҳои густариши ҳамкории тиҷоративу иқтисодӣ, сармоягузорӣ, туризм ва илму фарҳанг табодули назар намуданд.
Дар анҷоми мулоқот Рошид Матар Ас-Сирӣ Ал-Қамазӣ Консули генералиро бинобар ба ин вазифа таъйин шуданаш табрик намуда, изҳор дошт, ки Намояндагии Вазорати корҳои хориҷии Амороти Муттаҳидаи Араб дар Дубай барои самарабахш амалӣ гардидани фаъолиятҳои Консулгарии генералӣ дар кишвари иқомат дастгирӣ ва мусоидати худро дареғ нахоҳад дошт.
Имрӯз дар шаҳри Душанбе ҳавои тағйирёбанда пешгӯӣ мешавад
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
