«CАSА-1000»: замина дар самти ташкили бозори минтақавии неруи барқ
Душанбе, 14.04.2016/АМИТ «Ховар/. «Дар сурати татбиқи тарҳи бузурги «CАSА-1000» /Central Asia South Asia Electricity Transmission and Trade Project/ имконият фароҳам меояд, то аз ҳисоби интиқоли барқи изофӣ дар мавсими тобистон ба кишварҳои Осиёи Ҷанубӣ, назири Афғонистон ва Покистон, солона то 200 миллион $ ба буҷети кишварамон ворид созем»,- мегӯяд Худобердӣ Холиқназар, директори Маркази тадқиқоти стратегии назди Президенти кишвар. Мавсуф бо дахли муҳимияти татбиқи ин тарҳи бузурги минтақавӣ афзуд, ки амалӣ гардонидани лоиҳаи «CASA-1000» дар тақвияти ҳамкории мутақобилан судманди иқтисодию иҷтимоӣ ва экологии кишварҳои Осиёи Марказӣ ва Осиёи Ҷанубӣ хеле муассир буда, дар таърихи тавсеаи ҳамгироии минтақавии кишварҳои шарики тарҳи мазкур саҳифаи наверо боз хоҳад кард.
Хусусан амалигардонии лоиҳаи «CASA-1000» барои рушди иқтисоди Тоҷикистон, ки дар саргаҳи об воқеъ буда, дорои захираҳои бои обию энергетикист, хеле судманд аст. Мавриди зикр аст, ки дар мавсими тобистон истеҳсоли неруи барқ дар кишвари мо афзоиш меёбад. Дар ин росто дар сурати татбиқи лоиҳаи «CASA-1000» Тоҷикистон имконият дорад то 3 миллиард кВ/ соат неруи барқро ба кишварҳои шарики ин тарҳ Афғонистон ва Покистон дар мавсими тобистон интиқол диҳад.
Бояд тазаккур дод, ки тарҳи минтақавии «CASA-1000» бо ҳузури чор кишвари осиёӣ -Тоҷикистон, Қирғизистон, Афғонистон ва Покистон амалӣ гардонида шуда, интизор меравад, ки нимаи аввали моҳи май дар Тоҷикистон бо ҳузури сарони ин кишварҳо маросими расмии татбиқи лоиҳаи муштарак доир гардад. Инчунин татбиқи лоиҳаи «CASA-1000» замина ва қадами муҳимест дар самти ташкили бозори минтақавии неруи барқ дар ҳавзаи Осиёи Марказӣ ва Ҷанубӣ.
«Ибни Сино ва Абубакри Розӣ — нобиғаҳои тамаддуни башарӣ». Дар Душанбе таҳти ин унвон ҳамоиш доир гардид
Дар Душанбе Ҷаласаи Комиссияи байнидавлатӣ оид ба рушди устувори кишварҳои Осиёи Марказӣ баргузор гардид
Имрӯз дар шаҳри Душанбе ҳаво то 15 дараҷа гарм мешавад
Дар Донишгоҳи давлатии Кӯлоб бахшида ба Рӯзи Конститутсияи Тоҷикистон конференсияи илмӣ-назариявӣ баргузор шуд
Дар Суди конститутсионии Тоҷикистон бахшида ба Рӯзи Конститутсия маҷлиси тантанавӣ доир гардид
Дар Агентии ҳифзи меъроси таърихию фарҳангӣ 31-солагии Конститутсияи Тоҷикистонро таҷлил намуданд
Дар шаҳри Душанбе чорабинии фарҳангӣ ба ифтихори Рӯзи Конститутсияи Ҷумҳурии Тоҷикистон баргузор гардид
КОНСТИТУТСИЯ — ИНЪИКОСКУНАНДАИ СУННАТҲОИ ПУРҒАНОВАТИ ХАЛҚИ ТОҶИК. Андешаҳои ҳуқуқшинос Исмоил Абдуалимзода оид ба ҷанбаҳои таърихии ин санад
Имрӯз дар баъзе ноҳияҳои Тоҷикистон туман мефарояд
Бахшида ба Рӯзи Конститутсия дар ноҳияи Данғара ҳамоиши идона доир шуд
Дар Донишгоҳи байналмилалии сайёҳӣ ва соҳибкорӣ дар ҳошияи иштироки Президенти Тоҷикистон дар Саммити СММ ҳамоиши илмӣ баргузор шуд
Ҳайати Тоҷикистон дар ҷаласаи вазирони Кумитаи доимии ҳамкории иқтисодиву тиҷоратии СҲИ иштирок намуд
