Дар Покистон бар асари ҳамлаи силоҳбадастон ҳафт пулис ҳалок гардиданд

Душанбе, 22.04.2016 / АМИТ «Ховар» /. Шахсони мусаллаҳи номаълум нимаи дуюми дирӯз ба полиси Покистон, ки амниятро барои эм кардани кӯдакон бар зидди бемории фалаҷ таъмин менамуд, ҳамла карданд. Дар ин бора агентии «Синхуа» бо истинод ба мақомоти полиси шаҳри Карочӣ хабар дод.
Дар натиҷаи бархӯрд на кам аз 7 полис ба ҳалокат расида, 3 тани дигар маҷрӯҳ шуданд.
Бино ба иттилои мақомоти ҳифзи ҳуқуқ, чор шахси мусаллаҳи мототсиклсавор ба сӯи полис ва мошинҳои онҳо оташ кушода, аз ҷойи ҳодиса ғайб задаанд.
То ҳол касе масъулияти ин ҳамларо бар дӯш нагирифтааст.
Сарвазири Покистон Навоз Шариф ин ҳодисаро маҳкум кард.