Дар ҳудуди Тоҷикистон заминҷунбӣ ба қайд гирифта шуд

Душанбе, 11.04.2016. /АМИТ «Ховар»/. Дар заминҷунбие, ки рӯзи 10 апрел дар Тоҷикистон рух дод,ягон хисорот ва талафоти ҷонӣ ба қайд гирифта нашудааст.
Дар ин бора ба АМИТ «Ховар» котиби матбуотии Кумитаи ҳолатҳои фавқулода ва мудофиаи гражданӣ Ориф Нозимов иттилоъ дод.
Мувофиқи маълумоти Маркази зилзиласанҷии шаҳри Душанбе рўзи 10 апрели соли равон соати 15:28 дар ҳудуди Ҷумҳурии Тоҷикистон заминҷунбӣ ба қайд гирифта шуд.
Маркази заминларза дар километри 300-уми самти ҷанубу-шарқи шаҳри Душанбе дар қаламрави Ҷумҳурии Исломии Афғонистон буда, он дар марказаш 5 балл, дар шаҳри Душанбе 4 балл, дар ВМКБ 4,5 балл ва дар вилояти Суғд 3 баллро ташкил дод.