Дарёфти наздики 4 кило маводи ҳашиш
![](https://khovar.tj/wp-content/uploads/2016/01/gash.jpg)
Душанбе, 7.04.2016. /АМИТ «Ховар»/. 5 апрели соли равон кормандони милитсия марди 45-солаи сокини ноҳияи Ваҳдатро бо гумони даст доштан дар гардиши ғайриқонунии маводи нашъадор дастгир намуданд.
Тавре аз Вазорати корҳои дохилии Ҷумҳурии Тоҷикистон ба АМИТ «Ховар» хабар доданд, дар вақти кофтукови шахсӣ аз гумонбаршуда 3 килою 748 грамм маводи нашъадори навъи ҳашиш дарёфт ва мусодира карда шуд.
Нисбат ба далели мазкур парвандаи ҷиноятӣ оғоз гардида, тафтишот идома дорад.