Даъвати ҷавонон ба зиракию ҳушёрӣ дар Норак

Норак, 16.04.2016 /АМИТ «Ховар»/. 15 апрели соли равон дар асоси нақшаи чорабиниҳои мақомоти иҷроияи ҳокимияти давлатии вилояти Хатлон оид ба пешгирии омилҳои номатлуби иҷтимоӣ миёни ноболиғону ҷавонон, аз қабили ҷинояткорӣ, шомилшавӣ ба ҳизбу ҳаракатҳои иртиҷоӣ, зўроварӣ, худкушӣ ва сўиқасд ба ҷони худ, танфурўшӣ, хариду фурўши инсон, омўзиши моҳият ва муҳтавои қонунҳои Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», «Дар бораи танзими анъана ва ҷашну маросимҳои миллӣ дар Ҷумҳурии Тоҷикистон» ва «Дар бораи озодии виҷдон ва иттиҳодияҳои динӣ», ҳамзамон тарбияи наврасону ҷавонон дар рўҳияи ватандўстӣ, хештаншиносӣ, худогоҳӣ, созандагию бунёдкорӣ ва тарғиби идеологияи солим вохўрии гурўҳи таблиғотии мақомоти иҷроияи вилоятӣ бо сокинони ҷамоатҳои деҳоти Дӯконию Пули Сангини шаҳри Норак доир гардид.
Дар вохўриҳо масъулин роҷеъ ба пешгирии омилҳои номатлуб изҳори назар намуда, аз ҳозирин даъват ба амал оварданд, ки барои дар сатҳи баланд таҷлил намудани Рўзи Ваҳдати миллӣ ва 25- солагии Истиқлолияти давлатии Тҷикистон тамоми кўшишу ғайрати худро равона намоянд.