Фирори ронанда аз ҷойи ҳодиса

Душанбе, 11.04.2016. /АМИТ «Ховар»/. — 8 апрели соли равон тахминан соати 21:20 ронандаи мошини тамғаи номаълум, ҳангоми ҳаракат бо шоҳроҳи Душанбе-Турсунзода, дар ҳудуди ҷамоати деҳоти Чусти ноҳияи Шаҳринав аз уҳдаи идораи воситаи нақлиёт набаромада, ҷавони 25-солаи сокини ҷамоати деҳоти мазкурро пахш намуда, аз ҷойи ҳодиса ғайб задааст.
Дар натиҷа, пиёдагард ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.
Ҳангоми гузаронидани чорабиниҳои фаврӣ-ҷустуҷӯӣ ронандаи мошини тамғаи Тико, ҷавони 24-солаи сокини ноҳияи Шаҳринав дар робита ба ҳодисаи мазкур дастгир карда шуд.
Ин ҳодиса мавриди тафтиш қарор дорад.