Идомаи корҳои бунёдкорӣ дар Ҳисор

Ҳисор, 15.04.2016 /АМИТ «Ховар/. Қалъаи таърихии Ҳисор, ки ба муносибати 3000- солагии Ҳисор таъмиру тармим гардид, ба сайргоҳи дӯстдоштаи сайёҳон табдил ёфтааст.
Махсусан саҳни ин мавзеи таърихӣ бо гулгашту ҷойҳои таърихиаш, ки бо иваз кардани роҳи мошингард боз ҳам васеъ ва ободу зебо гашта, хеле тамошобоб ва дилрабою дилписанд шудааст.
Имрӯз шаҳри Ҳисор соҳиби мактаби президентӣ, варзишгоҳи азим, Кохи фарҳанг, осорхона, меҳмонхонаҳо, роҳҳои ҳозиразамон ва дигар иншоотҳои муҳим мебошад. Шаҳри Ҳисор бо хатти об, барқ ва дигар инфрасохтори зарурӣ таъмин гардида, барои пешрафти сохтмонҳои нав имкониятҳои васеъ фароҳам омадаанд.