ИМА бори нахуст бар зидди ДОИШ бомбаандози В-52-ро истифода кард

Душанбе, 21.04.2016 / АМИТ «Ховар» /. ИМА бори нахуст бар зидди гурӯҳи террористии ба ном «Давлати исломӣ» бомбаандози стратегии В-52-ро истифода кард. Дар ин бора сомонаи «Military.com» хабар медиҳад.
Бино ба гуфтаи намояндаи фармондеҳии ИМА дар Шарқи Наздик Стивен Уоррен, ҳавопаймо рӯзи душанбе, 18 апрел дар шахри Каёри ҷануби Мосул ба анбори аслиҳаи ҷангиён зарба задааст.
Бино ба гуфтаи Уоррен, зарбаҳои ҳавоӣ ба ҳадафҳо дар шаҳри Мосул рӯзҳои сешанбе ва чоршанбе низ идома ёфтаанд.
Намояндагони Вазорати мудофиаи ИМА дар аввали моҳи март дар бораи қарори фиристодани бомбаандози стратегии B-52 барои мубориза бо гурӯҳи террористии ба ном «Давлати исломи» эълон карда буданд.
Бомбаандозҳои B-52 бояд бомбаандозҳои B-1-ро, ки моҳи январи соли равон ба пойгоҳи Амрико аз Сурия ва Ироқ баргаштаанд, иваз намоянд.
Бомбаандозҳои стратегии B-52 дар аслиҳаи артиши ИМА беш аз 50 сол боз вуҷуд доранд. Бори охир онҳо соли 1991 дар Шарқи Наздик ба «Амалиёти тӯфон дар биёбон» ҷалб шуда буданд.