Конфронс: «Нақши Пешвои миллат дар сулҳу суботи кишвар»

Хоруғ, 21.04 2016 /АМИТ «Ховар»/. Олимону донишмандони ҷавони кишвар бо баргузории конфронси илмӣ-назариявӣ таҳти унвони «Нақши пешвои миллат дар сулҳу суботи кишвар» дар шаҳри Хоруғ чорабиниҳои ҷашнӣ бахшида ба иди Ваҳдати миллиро идома доданд.
Ин кофронс бо ибтикори Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон роҳандозӣ шуд ва дар он олимону адибони ҷавон доир ба хизматҳои Пешвои миллат дар роҳи расидан ба сулҳу амонӣ ва созандагию ободӣ маърӯзаҳоро ба баррасии аҳли толор пешниҳод карданд.
Зикр карда шуд, ки Эмомалӣ Раҳмон дар лаҳзаҳои хеле душвору ҳассос масъулияти раҳбарии давлатро бар дӯш гирифт ва ду тарафи муқобилро бар сари як миз нишонду ба ҷанги хонумонсӯз хотима гузошт. Агар ин сиёсати дурандешонаи сарвари давлат намебуд, мавҷудияти кишваре бо номи Тоҷикистон дар харитаи ҷаҳон зери суол мерафт.
Ин конфронс дар ҳошияи фестивали дӯстии ҷавонон дар Бадахшон баргузор шуд.