Конфронс оид ба Осиёи Марказӣ дар Донишгоҳи Сорбонна
Душанбе, 15.04.2016. /АМИТ «Ховар»/. 14 апрели соли 2016 дар Донишгоҳи Сорбоннаи шаҳри Париж Конфронс бахшида ба рушду тавсеаи ҳузури Фаронса дар Осиёи Марказӣ баргузор шуд, ки дар он намояндагони дипломатии кишварҳои Осиёи Марказӣ, аз ҷумла Ҷумҳурии Қазоқистон, Ҷумҳурии Тоҷикистон ва Ҷумҳурии Узбекистон ширкат варзиданд.
Сафири Фавқулода ва Мухтори Ҷумҳурии Тоҷикистон Ҳомидҷон Назаров доир ба се ҳадафи стратегии кишвар, яъне раҳоӣ аз бунбасти коммуникатсионӣ, истиқлолияти энергетикӣ ва амнияти озуқаворӣ сухан намуда, ҳамзамон барои ширкати бештари сармоягузорони фаронсавӣ дар иқтисодиёти Тоҷикистон даъват ба амал овард.
Дар раванди Конфронс музокираи бевосита миёни сафирон, ҳайати профессорон ва донишҷӯёни Донишгоҳи Сорбонна ба вуқӯъ пайваст.
Дар фарҷоми Конфронс роҳбари намояндагии дипломатии Тоҷикистон ташаббуси барпо намудани конфронси навбатиро доир ба рушди соҳаи туризм дар Осиёи Марказӣ пешниҳод намуд.
Дар ин бора аз Сафорати Точикистон дар Фаронса хабар доданд.
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар якчанд кумитаю идора нишасти матбуотӣ баргузор мегардад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
