“Локомотив”-и Маскав ба Душанбе меояд

Душанбе, 18.04.2016 /АМИТ «Ховар»/. Роҳбарияти клуби футболи “Истиқлол”-и Душанбе ва дастаи “Локомотив”-и Маскав ба тавофуқ расиданд, ки тобистони соли равон дар Варзишгоҳи марказии шаҳри Душанбе вохӯрии дӯстонаи дастаҳои “Истиқлол” ва “Локомотив”-ро барпо намоянд.
Алҳол таърихи баргузории ин вохӯрии дӯстона муайян нашудааст ва гумон меравад, ки баъди анҷомёбии мусобиқоти Премйер-лигаи Русия “Локомотив” бо роҳбарии ҳамшаҳри мо Игор Черевченко, ҳоло сармураббии ин даста ба Душанбе меояд.
Аз ин пештар чемпиони чоркаратаи мамлакат “Истиқлол” се вохӯрии дӯстонаи байналмилалиро бо дастаҳои “Хассен Кассел” ва “Шалке-04”-и Олмон, ҳамчунин “Газовик”-и Оренбург дар Варзишгоҳи марказӣ гузаронида буд.