Мусовие, ки арзиши ғалабаро дошт
Душанбе, 29.04.2016 /АМИТ «Ховар»/. Дастаи мунтахаби духтаронаи Тоҷикистон баъди мусовии 1 бар 1 бо тими мунтахаби Қирғизистон дар бозиҳои минтақавии Чемпионати Осиё байни духтарони то 14-сола, ки дар мамлакат идома доранд, ба бозии нимниҳоӣ роҳхат гирифт.
Дар гурӯҳи А имрӯз инчунин дастаи мунтахаби Эрон баъди пирӯзиаш бар Бутан бо натиҷаи 7 бар 0 озими бозиҳои нимниҳоӣ шуд.
Ҳамин тавр дар гурӯҳи «А» тими мунтахаби Эрон бо нӯҳ имтиёз мақоми аввал, дастаи Тоҷикистон бо чор имтиёз мақоми дуввумро касб карданд. Бутан бо се имтиёз дар ҷойи севум ва Қирғизистон бо як имтиёз дар ҷойи охирин чорум қарор гирифтанд.
Дар гурӯҳи Б тими мунтахаби Бангладеш, ки дастаи Непалро бо ҳисоби 9:0 шикаст дод, бо шаш имтиёз дар гурӯҳ мақоми аввалро соҳиб шуд. Ҳиндустон бо се имтиёз дар зинаи дувум ва Непал бидуни имтиёз дар ҷойи охирин қарор гирифтанд.
Акнун дар бозиҳои нимниҳоии мусобиқоти минтақавии Чемпионати Осиё-2016 миёни бозингарони то 14-сола рӯзи шанбе дастаҳои мунтахаби Тоҷикистон бо Бангладеш дар варзишгоҳи «Авиатор»-и шаҳри Душанбе ва тимҳои Эрон бо Ҳиндустон дар майдони Академияи футболи «Истиқлол» дар дараи Алмосии ноҳияи Ҳисор вориди майдон мешаванд.
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Имрӯз дар ноҳияҳои кӯҳии Тоҷикистон ҳаво то 16 дараҷа гарм мешавад
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
