Нақшаи машваратҳои бисёрҷониба миёни ниҳодҳои хориҷии ИДМ барои соли 2016 тасдиқ гардид

Душанбе, 8.04.2016 /АМИТ «Ховар»/. Имрӯз дар шаҳри Маскав ҷаласаи навбатии Шӯрои вазирони корҳои хориҷии Иттиҳоди Давлатҳои Мустақил баргузор гардид.
Бино ба иттилои ВКХ-и Тоҷистон, дар кори ҷаласа ҳайати Ҷумҳурии Тоҷикистон таҳти роҳбарии Вазири корҳои хориҷӣ Сироҷидин Аслов иштирок намуд.
Зимни ҷаласа вазирони корҳои хориҷӣ роҷеъ ба доираи васеи ҳамкориҳои мутақобила дар арсаи сиёсати байналмилалӣ ва таъмини амният дар минтақа мубодилаи афкор намуданд.
Дар ҷаласа, инчунин нақшаи машваратҳои бисёрҷониба миёни ниҳодҳои хориҷии ИДМ барои соли 2016 тасдиқ гардида, оид ба масъалаҳои ҳамкорӣ дар соҳаи мубодилаи иттилооти геофазоӣ, масъалаҳои соҳаи тандурустӣ, оид ба ҳамкорӣ дар соҳаи судӣ, тайёр кардани кадрҳои соҳавии ҳарбӣ, масъалаҳои марбут ба баргузории намоишгоҳи «ART EXPO” қарорҳои дахлдор қабул шуд.
Вазирони корҳои хориҷӣ пешниҳодотро роҷеъ ба муайян намудани ташкилотҳои базавии давлатҳои аъзои ИДМ оид ба кор бо ҷавонон ва рушди соҳибкорӣ дар байни онҳо мавриди баррасӣ қарор доданд.