Оғози даъвати баҳории шаҳрвандон ба хизмати ҳатмии ҳарбӣ

Апрель 4, 2016 09:01

Душанбе, 4.04.2016 /АМИТ «Ховар»/. Аз 1-уми апрели соли 2016 дар ҳама шаҳру навоҳии мамлакат даъвати баҳории шаҳрвандон ба хизмати ҳатмии ҳарбӣ оғоз гардид. Тавре ки аз Вазорати мудофиа иттилоъ доданд, бо Фармони Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1989-1998 Ҷумҳурии Тоҷикистон ба хизмати ҳарбӣ ва тибқи талаботи Қонуни Ҷумҳурии Тоҷикистон Дар бораи ӯҳдадории умумии ҳарбӣ ва хизмати ҳарбӣ оғоз шуд.
Бо мақсади дар сатҳу сифати хуб ташкилу ба роҳ мондани даъвату гусели ҷавонписарон ба хизмати ҳарбӣ қабл аз оғози ин чорабинии муҳими сиёсӣ дар Вазорати мудофиа бо иштироки сардори Раёсати мудофиа ва тартиботи ҳуқуқии Дастгоҳи иҷроияи Президенти Ҷумҳурии Тоҷикистон — иҷрокунандаи уҳдадории раиси комиссияи даъватии ҷумҳуриявӣ Файзуллозода Шараф Ҷаббор дар пойгоҳи Донишкадаи ҳарбӣ бо ширкати вазири мудофиаи Ҷумҳурии Тоҷикистон Шералӣ Мирзо, сардорони раёсату хадамоти дахлдори Вазорати мудофиа ва Ситоди генералӣ дар вилоятҳо ва шаҳру наҳияҳо ҷамъомадҳо ва чорабиниҳои пешаздаъватӣ баргузор гардиданд.
Зимни он дар асоси Фармони Президенти Ҷумҳурии Тоҷикистон вобаста ба даъвати навбатии шаҳрвандон ба хизмати ҳатмии ҳарбӣ тамоми масъулин — сардори Ситоди генералии Қувваҳои Мусаллаҳ, роҳбарони раёсату хадамоти дахлдори Вазорати мудофиа, амният, мақомоти корҳои дохилӣ, масъулини мақомоти прокурорӣ, намояндагони Агентии назорати давлатии молиявӣ ва мубориза бо коррупсия, кормандони Вазорати тандурустӣ, сохторҳои қудратии мамлакат, комиссарони ҳарбӣ ва дигар масъулини мақомоти вобастаи давлатии даъват бо супоришҳои мушаххас вазифадор гардиданд.

Апрель 4, 2016 09:01

Хабарҳои дигари ин бахш

Дар «Шарора» басти якуми истироҳат барои хонандагони ноҳияи Исмоили Сомонии пойтахт оғоз гардид
Кумитаи кор бо занон ва оила таҳти унвони «Ваҳдат – мароми модарон» конференсия доир менамояд
Дар басти аввал дар «Зимчуруд» 250 нафар кӯдакон ба истироҳат фаро гирифта шуданд
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Донишкадаи ҳуқуқи Сибир барои шаҳрвандони Тоҷикистон квотаи таҳсил ҷудо намуд
Дар Душанбе бахшида ба Рӯзи Ваҳдати миллӣ ҳамоиши ҷумҳуриявӣ баргузор гардид
Имрӯз дар шаҳри Душанбе ҳаво то 32 дараҷа гарм мешавад
Дар шаҳри Панҷакент ҷамъоварии картошкаи барвақтӣ оғоз гардид
Дар ноҳияи Мир Сайид Алии Ҳамадонӣ оид ба пешгирии ҳолатҳои ғарқшавӣ корҳои фаҳмондадиҳӣ гузаронида шуд
Имрӯз дар ноҳияҳои алоҳидаи Тоҷикистон борони кӯтоҳмуддат меборад
«ПАРАСТУ». Дар Бӯстон басти аввали истироҳатгоҳи шаҳрӣ оғоз гардид
Дар ноҳияи Ховалинг дар зиёда аз 600 гектар кишти картошка гузаронида мешавад