Омодагӣ ба раъйпурсии умумихалқӣ
Хоруғ, 25.04.2016 /АМИТ «Ховар»/. Дар 13 участкаи интихоботии шаҳри Хоруғи ВМКБ омодагӣ ба раъйпурсии умумихалқӣ оид ба тағйиру иловаҳо ба Конститутсияи (Сарқонуни) Ҷумуҳурии Тоҷикистон бо низоми муайян идома дорад. Раиси комиссияи ҳавзавӣ Арамбегим Маҳтобшоева гуфт, ки мутобиқ ба муқаррароти комиссияи марказии интихобот ва раъйпурсӣ дар тамоми участкаҳо шароити мусоиди овоздиҳӣ фароҳам оварда шудааст. Рӯйхати интихобкунандагон тартиб дода шуда, дар аксарияти участкаҳо кабина ва қуттиҳои овоздиҳӣ муҳайё мебошанд. Барои онҳое, ки бори аввал дар чунин маъракаи муҳими сиёсӣ ширкат меварзанд, гӯшаи махсус бо номи «Ман бори аввал овоз медиҳам» ташкил шуда, он бо маводи зарурӣ, дастуру варақаҳои тарғиботӣ таъмин гардид.
Ҳамчунин бо ширкати интихобкунандагони ҷавон, котибони участкаҳои раъйпурсӣ, ҳуқуқшиносон машварати дастурдиҳӣ баргузор гардид, ки дар он бори дигар вазъи омодагӣ ба ин маъракаи муҳим дар участкаҳо мавриди баррасӣ қарор дода шуд ва барои дар сатҳи зарурӣ баргузор кардани раъйпурсӣ таклифу дархостҳои судманд пешниҳод карда шуданд.
Имрӯз дар Тоҷикистон чангу ғубор ба амал меояд
Имрӯз дар Маркази миллии тестӣ ва Донишкадаи давлатии санъати тасвирӣ ва дизайн нишасти матбуотӣ доир мегардад
«Қиссаҳои Шераки Ориён» аз чоп баромад
Дар Вена масоили густариши ҳамкории Тоҷикистон бо Агентии Австрия оид ба рушд баррасӣ шуд
Имрӯз дар водиҳои Тоҷикистон ҳаво то 35 дараҷа гарм мешавад
Дар шаҳри Душанбе ҳашари экологии «Тозагии маҳал» гузаронида шуд
Дар Остона ҷаласаи намояндагони аршади Саммити Осиёи Марказӣ-Ҷумҳурии Корея баргузор гардид
Имрӯз дар шаҳри Душанбе ҳаво то 39 дараҷа гарм мешавад
Имрӯз дар доманакӯҳҳои Тоҷикистон ҳаво то 37 дараҷа гарм мешавад
