Садамаи нақлиётӣ дар шаҳри Душанбе

Душанбе, 6.04. 2016 /АМИТ «Ховар»/. 4 апрели соли равон соати 19:35 дақиқа ронандаи мошини тамғаи номаълум, ҳангоми ҳаракат аз тарафи кӯчаи Зебуниссо ба самти кӯчаи Мирзобеки шаҳри Душанбе суръати воситаи нақлиётро баланд намуда, пиёдагард, сокини 49-солаи шаҳри Хуҷандро пахш намуда, аз ҷойи ҳодиса ғайб задааст. Дар натиҷа, пиёдагард ҷароҳати вазнини ҷисмонӣ бардошта, дар беморхона ба ҳалокат расидааст.
Тавре аз Маркази матбуоти Вазорати корҳои дохилии Ҷумҳурии Тоҷикистон ба АМИТ «Ховар» иттилоъ доданд, зимни гузаронидани чорабиниҳои фаврӣ-ҷустуҷӯӣ кормандони милитсия ронандаи мошини тамғаи «Опел-Астра», сокини 27-солаи шаҳри Душанберо ҳамчун гумонбар дар садамаи нақлиётии мазкур дастгир намуданд.