Сохтмони мактаби замонавӣ ва боғча дар Ёвон

Қурғонтеппа, 21.04.2016. /АМИТ «Ховар/. Дар ноҳияи Ёвон сохтмони иншоотҳои бузурги иҷтимоиву иқтисодӣ бахшида ба 25- солагии Истиқлолияти давлатии Ҷумҳурии Тоҷикистон идома дорад. Тавре аз бахши меъморӣ ва шаҳрсозии ноҳия иттилоъ доданд, дар деҳаи «Даҳана»-и ҷамоати «Даҳана»-и ноҳия рӯзҳои наздик сохтмони мактаби таҳсилоти миёнаи умумӣ ба итмом мерасад.
Мактаб аз синфхонаҳои замонавӣ, утоқҳои корӣ барои омӯзгорон, варзишгоҳу ошхонаи замонавӣ ва китобхона иборат аст. Дар мактаби мазкур таҳсили 640 хонанда дар як баст дар назар дошта шудааст.
Хамзамон дар ин ҷамоат рӯзҳои наздик боғчаи бачагона мавриди истифода қарор мегирад.