Варзишгарони тоҷик аз Лаҳистон бо медал баргаштанд
Хуҷанд. 8.04.2016 /АМИТ «Ховар»/. Аз 1 то 3 апрели соли ҷорӣ дар шаҳри Бигдоши Ҷумҳурии Лаҳистон Чемпионати ҷаҳон оид ба варзиши «карате До» бо иштироки намояндагони 98 давлати ҷаҳон доир гардид. Дар мусобиқоти мазкур Ҷумҳурии Тоҷикистонро се нафар варзишгарон — каратечиён аз вилояти Суғд муаррифӣ намуданд.
Тавре Муҳсин Юсупов, масъули Хадамоти иттилоотии Раёсати ВКД ҶТ дар Суғд ба хабарнигори АМИТ “Ховар” хабар дод, се тан варзишгарони тоҷик-курсанти соли аввали Академияи ВКД Омон Очилов дар вазни 84 кг, Далер Баротов дар вазни 60 кг ва Соҳибҷон Шомуродов дар вазни 25 кг, бо нишон додани маҳорати баланди варзишӣ соҳиби медалҳои ифтихорӣ гардиданд. Аз ҷумла, О. Очилов зимни қуввасанҷӣ бар се ҳарифи худ дастболо гардида, ба гирифтани ҷои аввал ва медали тилло сазовор гардид.
Ду варзишгари дигар, Далер Баротов ва Соҳибҷон Шомуродови 8- сола низ маҳорату чолокии хуб нишон дода, ба гирифтани медалҳои нуқра ва биринҷӣ соҳиб гаштанд.
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Имрӯз дар баъзе ноҳияҳои Тоҷикистон туман мефарояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
