Ворид гардидани тағйиру иловаҳо ба Конститутсияи ҶТ ба ташаккули ҳуқуқи шаҳрвандон нигаронида шудааст

Апрель 7, 2016 08:11

Душанбе, 7.04.2016. /АМИТ «Ховар»/. Бо мақсади дар сатҳи баланди сиёсӣ баргузор намудани раъйпурсии умумихалқӣ оид ба ворид намудани тағйиру иловаҳо ба Конститутсияи (Сарконуни) Ҷумхурии Тоҷикистон кормандони Прокуратураи шаҳри Кӯлоб дар якҷоягӣ бо дигар мақомоти ҳифзи ҳуқуқу тартибот миёни идораву ташкилот ва сокинони маҳаллаҳои шаҳру деҳоти Кӯлоб суҳбату вохӯриҳо доир менамоянд.
Ин навбат масъулин бо кормандони Ҷамъияти шакли кушодаи Фурудгоҳи байналмиллалии Кӯлоб дар мавзӯъҳои мубрами рӯз, аз ҷумла Паёми Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон, райъпурсии умумихалқӣ оид ба ворид намудани тағйиру иловаҳо ба Конститутсияи (Сарқонуни) Ҷумҳурии Тоҷикистон, пурзӯр намудани назорат аз болои Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», пешгирии шомилшавии ҷавонон ба ҳизбу ҳаракатҳои ифротӣ ва иҷроиши як қатор қонуну қарорҳои амалкунанда вохӯрии судманд доир намуданд.
Маърӯзачиён таъкид намуданд, ки ворид намудани тағйиру иловаҳо дар 40 банди Конститутсияи (Сарқонуни) Ҷумҳурии Тоҷикистон тақозои замон буда, он ба рушди иқтисодию иҷтимоӣ ва ташаккули ҳуқуқи шаҳрвандон нигаронида шудааст.
Тавре ки Алишер Ташрифов, ҳуқуқшиноси Фурудгоҳи байналмиллалии Кӯлоб иброз дошт, дар ҷамъомад оид ба ҷилавгирии зуҳуроти номатлуб, пешгирии гаравидани ҷавонон ба ҳар гуна ҳизбу ҳаракатҳои ифротӣ, пос доштани арзишҳои миллӣ, ҳимояи марзу буми кишвар ва садоқат ба Ватан сухан ронда шуд.

Апрель 7, 2016 08:11

Хабарҳои дигари ин бахш

Дар ноҳияи Дарвоз истеҳсоли картошка 3 баробар, сабзавот 5 ва мева 9 баробар афзоиш ёфтааст
РАҚАМИКУНОНӢ. Маркази тамос барои хизматрасонӣ ба нафақагирон тавассути рақами кутоҳи 3900 фаъол гардид
ТАҒЙИРЁБИИ ИҚЛИМ. Чӣ гуна худ ва атрофиёнро аз чангу ғубор муҳофизат намоем?
МАСЛИҲАТИ МУТАХАССИС. Барои фоиданокӣ қаламфури булғориро бе коркард, дар шакли тару тоза истифода баред
Дар шаҳри Бӯстон сохтмони корхонаи муосири забҳи парранда идома дорад
Имрӯз дар Тоҷикистон чангу ғубор ба амал меояд
Бо гузашти 28 сол аҳамияти Ваҳдати миллӣ дар рушди иқтисодии Тоҷикистон бештар эҳсос мешавад
Фаъолияти иҷтимоӣ ва фарҳангӣ яке аз воситаҳои муассири таҳкими ваҳдати миллӣ мебошад
Муовини Раиси ноҳияи Данғара Зуҳро Ҳакимзода: «Мардум ба Пешвои миллат боварӣ ва эътимод дорад»
Тоҷикистон дар партави ваҳдати миллӣ ба сӯи шукуфоии нав қадам мегузорад
ВАҲДАТИ МИЛЛӢ — ПОЯИ ҲАСТИИ ДАВЛАТ ВА НЕРУИ СОЗАНДАИ МИЛЛАТ. Мулоҳизаҳои ректори Донишгоҳи давлатии Кӯлоб
Имрӯз дар Тоҷикистон ҳаво то 37 дараҷа гарм мешавад