17 май қуръакашии Ҷоми Тоҷикистон- 2016 гузаронида мешавад

Душанбе, 14.05.2016 /АМИТ «Ховар»/. 17 май, соати 10 дар бинои ФФТ расми қуръакашии марҳалаи муқаддамотии бозиҳо барои Ҷоми Тоҷикистон доир хоҳад шуд.
Дар ин марҳала, ки бозиҳо 24 ва 25 май гузаронида мешаванд, дастаҳои Лигаи якум ширкат меварзанд. Гузаронидани вақти бозиҳои ҷавобӣ 31 май ва 1 июн муқаррар шудааст.
Дастаҳои Лигаи олӣ аз вохӯриҳои 1/8- ниҳоӣ ба рақобатҳо ҳамроҳ мешаванд ва тибқи тақвим 23 ва 24 июл бозиҳои рафт ва 30 ва 31 июл бозиҳои баргашт гузаронида мешаванд.