Ҷавонон аз хатари гурӯҳҳои ифротӣ огоҳ карда мешаванд
Душанбе, 03.05.2016 /АМИТ «Ховар»/. Ҳафтаи равон аъзои гурӯҳи «Пешоҳанг» дар якҷоягӣ бо намояндагони мақомоти корҳои дохилӣ бо ҷавонон ва аҳли ҷамоати ноҳияи Абдураҳмони Ҷомӣ вохӯрии судманд доир намуданд.
Мақсади вохӯрӣ баррасии масъалаҳои пешгирии шомилшавии шаҳрвандон, хусусан ҷавонон ба ҳизбу ҳаракатҳои дорои хусусияти террористиву экстремистӣ, воқиф намудани онҳо аз вазъи сиёсии ҷомеаи ҷаҳонӣ, арҷгузорӣ ба арзишҳои миллӣ, инчунин мустаҳкам намудани робитаи милитсия бо ҷомеа мебошад.
Дар вохӯрӣ сардори Шуъбаи ВКД ҶТ дар ноҳияи А.Ҷомӣ Толибҷон Назарзода дар бораи хатару таҳдидҳои гурӯҳҳои ифротӣ, оқибати шомилшавии баъзе аз шаҳрвандони ноогоҳ ба ин гурӯҳҳо ва расидан ба қадри тинҷиву амоние, ки дар кишвари азизамон ҳукмфармост, ибрози назар намуд.
Намояндаи Вазорати корҳои дохилӣ, полковники милитсия Мансур Бухоризода дар мавзӯи нақши волидайн ва хешу наздикон дар пешгирии шомилшавии ҷавонон ба гурӯҳҳои ифротгаро гуфт, ки падару модарон танҳо бо роҳи таълиму тарбияи дуруст, меҳру муҳаббат ва таваҷҷуҳи доимӣ нисбат ба фарзандони хеш метавонанд онҳоро аз ин зуҳуроти номатлуб эмин нигоҳ доранд. Аҳли ҷомеа нисбат ба ин мушкилӣ бояд бетараф набошанд ва нагузорад, ки нохалафе фарзандони моро ба гумроҳӣ бурда, бо фитнаву найранг барои амалисозии мақсадҳои нопоки худ истифода намоянд.
Ҷавонони аъзои гурӯҳи «Пешоҳанг» ва намояндагони аҳли ҷамоати ноҳияи Абдураҳмони Ҷомӣ аз таваҷҷуҳ ва ғамхориҳои пайвастаи Ҳукумати ҷумҳурӣ нисбат ба ҷавонону наврасон ёдовар гардида, ҷавонони кишварро барои саҳм гузоштан дар корҳои ободонию созандагии диёри хеш, илму донишомӯзӣ ва одобу рафтори наку даъват намуданд.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
