Дар Панҷакент оид ба раъйпурсии умумхалқӣ роҳпаймоии ҷавонон барпо гардид

Душанбе, 10.06.2016. /АМИТ «Ховар»/. Бо мақсади таблиғу ташвиқи моҳият ва зарурати баргузории раъйпурсии умумихалқӣ доир ба ворид намудани тағйиру иловаҳо ба Конститутсияи Ҷумҳурии Тоҷикистон, ки 22 майи соли 2016 баргузор мегардад, дар маркази шаҳри Панҷакент ҳамоиши ҷавонон баргузор гардид.
Дар ҳамоиш ҷавонони мактабҳои миёнаи умумии шаҳр, донишҷӯён, устодону шогирдон ва дигар табақаҳои гуногуни ҷомеа бо шиору овезаҳо дар кӯчаи марказии шаҳр ба раҳпаймоӣ баромада, бо изҳори ҷонибдории худ аз раъйпурсӣ иштироки фаъолона дар ин чорабинии муҳими сиёсиро қарзи шаҳрвандӣ арзёбӣ намуданд.