Дуввумин медали нуқраи пайдарпаи Дилшод Назаров дар гурзпартоӣ

Душанбе, 25.05.2016 /АМИТ «Ховар»/.Баҳодури тоҷик  Дилшод Назаров дар мусобиқаи ҷаҳонии гурзандозӣ дар шаҳри Ҳаллеи Олмон соҳиби медали нуқра гардид. Ин дуввумин медали нуқраи Дилшод дар ду ҳафтаи охир аст.
Дилшод Назаров  ин дафъа гурзро ба масофаи 78 метру 34 сантиметр ҳаво дод. Рақиби аслиаш Павел Файдек аз Лаҳистон (Полша), бо натиҷаи 80 метру 39 сантиметр мақоми аввалро касб кард.
Натиҷаи нишондодаи Дилшод Назаров дар ҳафтаи гузашта  дар мусобиқоти ҷаҳонии силсилаи Гран-При «Оstrava golden spike» дар шаҳри Остраваи Ҷумҳурии Чех ба  78 метру 82 сантиметр баробар буд. Рақиби асосии ӯ дар мусобиқоти олимпии Рио-2016  Павел Файдек он вақт бо нишондоди 80,66 метр ғолиб омада буд.
Дилшод Назаров аввалин варзишгари Тоҷикистон аст, ки роҳхати Бозиҳои тобистонаи олимпии соли 2016 ро комёб шудааст.