Намоиши аксҳои Шуҳратёр бахшида ба 25- солагии Истиқлолият

Душанбе, 17.05.2016 /АМИТ «Ховар»/. 16 маи соли равон дар Донишкадаи давлатии санъати тасвирӣ ва дизайни Тоҷикистон бахшида ба 25- солагии Истиқлолияти Ҷумҳурии Тоҷикистон ва ҷашни Ваҳдати миллӣ намоиши аксҳои Шуҳратёр баргузор гардид.
Дар намоиш беҳтарин аксҳои Шуҳратёр Ёров интихоб гардидаанд, ки фаъолияти заҳматкашон, зебоии зани тоҷик ва табиати зебои Тоҷикистон бозгӯйӣ менамоянд.
Ба андешаи муовини ректори Донишкадаи давлатии санъати тасвирӣ ва дизайни Тоҷикистон Бахтиёр Одинаев фаъолияти эҷодии Шуҳратёр Ёров бисёр фарох буда, ҳама ҷанбаҳоро дар бар мегирад ва донишҷӯён метавонанд аз тамошои он ба худ як ҷаҳон маънӣ бардоранд.
Намоиши аксҳои Шуҳратёр то 20 май идома ёфта, беҳтарин аксҳо ба намоиш гузошта мешаванд.