Нозирони байналмилалӣ бо корҳои омодагӣ ба раъйпурсии умумихалқии Сафорати ҶТ дар ФР шинос гардиданд
Душанбе, 21.05.2016 /АМИТ «Ховар»/. Сафири Ҷумҳурии Тоҷикистон дар Федератсияи Русия Имомуддин Сатторов бо нозирони байналмилалӣ аз ҳисоби Ассамблеяи байнипарламентии кишварҳои узви ИДМ Вадим Бекетов ва Кумитаи иҷроияи ИДМ Афонина Марина, ки ҷараёни баргузории раъйпурсии умумхалқӣ оид ба ворид кардани тағйиру иловаҳо ба Конститутсияи Ҷумуҳарии Тоҷикистонро рӯзи 22 майи соли равон назорат мекунанд, вохӯрд.
Зимни вохӯрӣ нозирони байналмилалӣ бо корҳои омодагирӣ ба раъйпурсии умумихалқӣ оид ба ворид кардани тағйиру иловаҳо ба Конститутсияи Ҷумҳурии Тоҷикистон, ки дар бинои Сафорати Тоҷикистон дар шаҳри Маскав баргузор мегардад, шинос гардиданд. Тавре ки аз хадамоти матбуоти Сафорати ҶТ дар ФР иттилоъ доданд, Сафири Тоҷикистон зикр кард, ки участкаи раъйдиҳии № 57 дар бинои Сафорат тибқи талаботи қонунгузории Тоҷикистон барои баргузории ин маъракаи сиёсӣ пурра омода шудааст. Комиссияи участкавӣ оид ба баргузории раъйпурсӣ корҳои зиёдро роҷеъ ба маъракаи сиёсии дарпешистода барои хабардор намудани шаҳрвандони Тоҷикистон, ки дар Русия иқомат менамоянд, анҷом дода, тамоми шароитҳои лозимиро барои раъйдиҳии озоди шаҳрвандон фароҳам овард.
Нозирони байналмилалӣ дар навбати худ зикр карданд, ки корҳои омодагирӣ доир ба гузаронидани раъйпурсии умумихалқӣ дар сатҳи зарурӣ анҷом дода шудаанд ва ба талаботи қонунгузории Тоҷикистон ҷавобгӯ мебошанд. Инчунин онҳо изҳори умед карданд, ки маъракаи мазкур тибқи меъёрҳои байналмилалӣ оид ба гузаронидани раъйпурсӣ сурат мегирад.
Имрӯз дар ноҳияҳои кӯҳии Тоҷикистон барф меборад
«МАКТАБИ МОДАРОН». Дар Ёвон духтарон таҷриба омӯхта, ба ҳаёти мустақилона омода мешаванд
22 январ дар Тоҷикистон ҳарорати ҳаво паст шуда, бориши барф пешгӯӣ мешавад
ИСТИҚЛОЛИ ДАВЛАТӢ, СУБОТИ СИЁСӢ ВА АМНИЯТИ МИЛЛИИ ТОҶИКИСТОНРО ҲИФЗ БОЯД КАРД. Дар ҳошияи Паёми Президенти Тоҷикистон ба Маҷлиси Олӣ
Имрӯз дар Тоҷикистон ҳавои тағйирёбандаи бебориш пешгӯӣ мешавад
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
