Обама ташкили «минтақаҳои бехатар»-ро дар Сурия ғайриамалӣ медонад

Душанбе, 03.05.2016 / АМИТ «Ховар» /. Президенти ИМА Барак Обама ташкили «минтақаҳои бехатар»-ро дар Сурия ғайриамалӣ медонад,- изҳор кард котиби матбуотии Кохи Сафед Ҷош Эрнест. Дар ин бора РИА «Новости» иттилоъ медиҳад.
Пештар пешниҳодот оид ба таъсис додани «минтақаҳои бехатар», ки метавонанд аҳолии осоиштаи Сурияро аз ҳамла муҳофизат намоянд, садо доданд.
«Нуқтаи назари президент оид ба «Минтақаи бехатар «тағйир наёфтааст. Дар ҳоли ҳозир, ӯ бовар надорад, ки «минтақаҳои бехатар» алтернативаи амалӣ дар баробари он ҳодисаҳое, ки дар Сурия рух медиҳанд, бошанд»,- изҳор дошт Эрнест.
Ба гуфтаи ӯ, президенти Амрико дар мавриди пешниҳодҳо оид ба таъсиси минтақаҳои озоди бепарвоз ва бехатар дар Сурия, ки як паноҳгоҳе барои шаҳрвандони Сурия бошанд, нигарон аст, зеро «он Иёлоти Муттаҳидаро дар асл ба ҳифзи минтақаҳои бехатар вазифадор менамояд «. Намояндаи расмии Кохи Сафед афзуд, ки ин аз Вашингтон «қувваҳои заминии назаррас»- ро талаб мекард.
«Ин метавонист неруҳои заминиро ба ҷабҳа кашад, чун эҳтимолан, ДИ мекӯшад ба ин минтақаҳо ворид шавад ва ин як вазъияти хеле хатарнок барои неруҳои Амрико хоҳад буд», — гуфт Эрнест.