Ҷоми КФО: «Нафт Алвасат» ва «Алфайсалӣ» шикаст хӯрданд

Душанбе, 26.05.2016 /АМИТ «Ховар»/. Дар бозии 1/8- ниҳоии Ҷоми Конфедератсияи футболи Осиё клубҳои футболи  «Нафт Алвасат»-и Ироқ ва «Алфайсалӣ»-и Урдун, ки бо чемпиони Тоҷикистон «Истиқлол»-и Душанбе дар як гурӯҳ буданд, аз ҳарифонашон «Алҷайш»-и Сурия ва «Алмуҳаррақ»-и  Баҳрайн бо натиҷаи якхелаи 1:0 мағлуб шуданд ва аз мубориза барои Ҷоми КФО, ки дуввумин мусобиқаи сатҳи олӣ дар Осиё мебошад, дар канор шуданд.
Дар бозии байни дастаҳои «Ҷаҳор дарул таъзим»-и Малайзия бо «Кайа ФК» -и Филиппин натиҷаи аз ҳама намоён- 7:2 ба қайд гирифта шуд. «Китчи»-и Гон-Конг аз «Бангалуру»-и Ҳиндустон бо нишондоди 2:3 дар майдонаш шикаст хӯрд.
Ба ҳамин тартиб, дастаҳои «Алҷайш»-и Сурия, «Алмуҳаррақ»-и  Баҳрайн, «Айр Форс клаб»-и Ироқ, «Алаҳад»-и Лубнон,«Тампинс Роверс»-и Сингапур,  «Соуз Чайна» -и Гон-Конг, «Ҷаҳор дарул таъзим»-и Малайзия ва  «Бангалуру»-и Ҳиндустон ба рақобатҳои ¼- ниҳоӣ роҳхат гирифтанд.