Омодагӣ ба раъйпурсии умумихалқӣ дар Кӯлоб

Кӯлоб, 12.05.2016 /АМИТ «Ховар»/. Сокинони шаҳри Кӯлоб барои дар сатҳи баланд гузаронидани раъйпурсии умумихалиқӣ оид ба ворид намудани тағйиру иловаҳо ба Конститутсияи (Сарқонуни) Ҷумҳурии Тоҷикистон, ки 22 майи соли равон доир мегардад, тайёрии ҳамаҷониба дида, дар участкаҳои раъйдиҳӣ барои овоздиҳандагон тамоми имкониятҳоро фароҳам овардаанд. Дар участкаи раъйдиҳии №29, ки дар муассисаи таҳсилоти миёнаи умумии №27-и шаҳри Кӯлоб воқеъ аст, қисмати зиёди корҳои зарурӣ амалӣ гардида, барӯйхатгирии аҳолӣ низ пурра ба анҷом расидааст.
Умед аст, ки сокинони шаҳри Кӯлоб ин маъракаи мухими сиёсиро дар сатҳи зарурӣ баргузор намуда, барои рушди ҳамаҷонибаи соҳаҳои иқтисодию иҷтимоии ҷомеа нақши сазовор мегузоранд.