Президенти Тоҷикистон лоиҳаи «КАСА-1000»–ро таъмини пешрафту ободӣ ва мусоидат ба рӯзгори осудаи мардумони кишварҳои минтақа арзёбӣ кард
Душанбе, 10.05.2016 /АМИТ «Ховар»/. Зимни мулоқоту музокироти сатҳи олии Тоҷикистону Афғонистон, ки нимаи аввали имрӯз дар Қасри миллат бо иштироки Президенти Ҷумҳури Тоҷикистон Эмомалӣ Раҳмон ва Раисиҷумҳури Ҷумҳурии Исломии Афғонистон Муҳаммад Ашраф Ғанӣ баргузор гардид, масъалаҳои тақвият ва таҳкими бештари муносибатҳои неки ҳамҷавории ду кишвар, дастёбӣ ба сатҳи нави ҳамкории онҳо мавриди баррасӣ қарор гирифтанд.
Асосгузори сулҳу Ваҳдати миллӣ – Пешвои миллат муҳтарам Эмомалӣ Раҳмон зимни нишасти матбуотӣ оид ба натиҷаҳои сафари Муҳаммад Ашраф Ғанӣ изҳор кард, ки: «Сафари нахустини расмии Раисиҷумҳури Ҷумҳурии Исломии Афғонистон дар марҳалаи муҳими рушди ҳамёрии ду кишвар дар доираи ҳамкории минтақавӣ ҷараён мегирад. Талошҳои муштараку ҳадафмандонаи мо ҷиҳати оғози корҳои сохтмон дар тарҳи минтақавии «КАСА-1000», ки маросими ифтитоҳи он дар Тоҷикистон доир мегардад, рамзи возеҳи ин гуфтаҳо мебошанд».
Сарвари давлат таъкид намуд, ки: «Татбиқи пайгиронаи тарҳи дорои аҳамияти ҳаётан муҳими «КАСА-1000» ба таъмини пешрафту ободӣ ва рӯзгори осудаи мардумони кишварҳои мо мусоидати ҷиддӣ ва ниҳоят муассир хоҳад кард».
Амалӣ шудани лоиҳаи минтақавии «CASA-1000» имконияти интиқоли ҳаҷми зиёди неруи барқи арзону аз ҷиҳати экологӣ тозаро аз Тоҷикистон ба Афғонистон бештар мекунад. Соли гузашта аз Тоҷикистон ба кишвари дӯсти Афғонистон 1 миллиарду 200 миллион ва давоми 4 моҳи соли равон ҳудуди 250 миллион киловатт-соат неруи барқ интиқол дода шудааст.
ТАЪТИЛРО БОСАМАР ГУЗАРОНЕМ! Таҳти ин шиор Донишгоҳи байналмилалии забонҳои хориҷии Тоҷикистон озмуни китобхонии фосилавиро эълон намуд
Ваколатдор оид ба ҳуқуқи инсон ҷиҳати баланд бардоштани маърифати ҳуқуқии шаҳрвандон 46 машварати сайёри ҳуқуқӣ гузаронид
Пагоҳ дар Агентии хизмати давлатӣ, Хадамоти назорати давлатии бехатарии корҳо дар саноат ва соҳаи кӯҳкорӣ, Академияи идоракунии давлатӣ ва Саридораи геология нишасти матбуотӣ баргузор мегардад
Вазорати энергетика: «Воридот ва нархи гази моеъ таҳти назорати мақомоти ваколатдори соҳа қарор дорад»
«ФАЙЗИ ИСТИҚЛОЛ». Дар басти сеюми ин лагер 410 кӯдаку наврас ба истироҳат фаро гирифта шуд
Суҳбат дар баландӣ. Сокинони ВМКБ бо топ-менеҷерони ширкати «МегаФон Тоҷикистон» мулоқот намуданд
Дар Кӯлоб вобаста ба саҳми шуроҳои ҷамъиятӣ дар амалишавии ислоҳоти милитсия ҳамоиш баргузор шуд
Имрӯз дар Тоҷикистон ҳавои тағйирёбанда пешгӯӣ шудааст
Бо иқдоми соҳибкорони ватанӣ заминҳои кишоварзии ноҳияи Деваштич обёрӣ гардиданд
Таътили тобистонаи хонандагон дар истироҳатгоҳи омӯзишии «Истиқлол»-и назди Донишгоҳи давлатии Кӯлоб бофароғат мегузарад
