Рафъи оқибатҳои офати табиӣ дар Панҷакент
Панҷакент, 14.05.2016 /АМИТ «Ховар»/. Дар Панҷакент корҳои барқарорсозии иншоотҳои хоҷагии халқ ва поксозии кӯчаю ҳавлиҳо, ки аз селобҳои рӯзҳои 9, 10 ва 11 майи соли равон ҳисороти зиёд диданд, дар сатҳи баланд ба роҳ монда шудааст.
Имрӯз низ сокинони шаҳр якҷо бо кормандони КДФ «Хоҷагии манзилию коммуналии шаҳр», Хадамоти давлатии оташнишонии шаҳри Панҷакент ба поксозии хиёбони марказии шаҳр машғул буданд. Сарбозони қисми низомии 0570 ба оилаҳои зарардида дар кори тоза кардани ҳавлию боғҳо мадад мерасонанд.
Селоб Сои Зебонро аз қуму санг пур карда буд. Ҳоло дар мавзеи Обшорон панҷ техникаи пуриқтидори ҶДММ КМ «Зарафшон», ҳамчунин техникаҳои Муассисаи давлатии нигоҳдории роҳҳои автомобилгарди шаҳри Панҷакент, Муассисаи давлатии беҳдошти замин ва обёрии шаҳр маҷрои селгузарро аз қуму санг ва партовҳо тоза мекунанд. Сокинони Ҷамоати деҳоти Саразм ва маҳаллаҳои шаҳр ба тоза кардани канали Тӯқсанкорез машғуланд. Бошандагони маҳаллаи Зардолузор дастаҷамъона хатти оби нӯшокии маҳалларо барқарор мекунанд.
Дар мавзеъҳои офатзадаи Дашти Қозӣ, Шинг, Косатарош ва ғайра низ мардуми зиёд бо истифода аз техника ва ба тариқи ҳашар пайомадҳои гарони селро рафъ мекунанд.
Ҷараёни корҳои барқарорсозӣ таҳти роҳбарияти мақомоти иҷроияи маҳаллии ҳокимияти давлатии шаҳр сурат мегиранд.
Кормандони мақомоти иҷроияи маҳаллии ҳокимияти давлатии шаҳр дар ҷамъомади худ қарор доданд, ки маоши дурӯзаи корашонро ба хазинаи махсуси рафъи офат мегузаронанд. Ин ташаббуси некро ҷомеаҳои меҳнатии Панҷакент низ ҷонибдорӣ мекунанд.
Аз байн бурдани коррупсия омили пешрафти ҳар давлат аст
ҲХДТ ба вакилии Маҷлиси намояндагон дар ҳавзаи интихоботии якмандатии Ҳамадонӣ, №35 номзад пешбарӣ намуд
Имрӯз дар баъзе ноҳияҳои Тоҷикистон туман мефарояд
Аз ҳавзаи якмандатии Исфара, №20 номзад ба вакилии Маҷлиси намояндагони Маҷлиси Олии Ҷумҳурии Тоҷикистон пешбарӣ гардид
Бозорҳо, хатсайрҳо, терминалҳо: МегаФон Тоҷикистон шабакаи толорҳои алоқаи худро васеъ намуд
ҲХДТ дар ҳавзаи интихоботии якмандатии Муъминобод, №38 номзад пешниҳод намуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Мулоқоти сеҷонибаи сарвазирони Тоҷикистон, Узбекистон ва Қирғизистон баргузор гардид
Сӯхтори ҷангал дар Калифорния беш аз 300 гектарро фаро гирифтааст
Лондон аз рӯи танбашавии нақлиёт байни шаҳрҳои Аврупо дар ҷойи якум қарор гирифт
Дар натиҷаи заминларза дар Ситсзан дар ҷанубу ғарби Чин 126 нафар ҳалок гардид
Имрӯз дар ноҳияҳои алоҳидаи кӯҳии Тоҷикистон барф меборад
