Саҳми Х. Додихудоев дар таҳқиқи проблемаҳои илми фалсафаи тоҷик

Душанбе, 18.05.2016 /АМИТ «Ховар»/. Бахшида  ба 80-солагии узви вобастаи АИ ҶТ Х. Додихудоев 17 май дар Академияи илмҳои Ҷумҳурии Тоҷикистон ҷаласаи илмӣ дар мавзӯи Саҳми Х.Додихудоев дар таҳқиқи проблемаҳои илми фалсафаи тоҷик баргузор гардид.
Дар  ҷаласаи илмӣ оид ба саҳми Х.Додихудоев дар рушди таърихи фалсафа ноиби президенти АИ ҶТ, академик Кароматулло Олимов, директори Институти фалсафа, сиёсатшиносӣ ва ҳуқуқи ба номи А.М.Баҳоваддинови АИ ҶТ, доктори илмҳои фалсафа Муҳаммад Абдураҳмон ва доктори илмҳои фалсафа М. Маҳмадҷонова сухан карда,  саҳми Х. Додихудоевро дар рушди таърихи фалсафа дар Тоҷикистон назаррас ҳисобиданд.
Х.Додихудоев олими пурмаҳсул буда, дар давоми фаъолияти илмиаш беш аз 300 кори илмӣ, аз ҷумла 7 монография оид ба ҷанбаҳои гуногуни фалсафа нашр намудааст.