Сафари журналистон ба Бадахшон

Душанбе, 10.05.16 /АМИТ «Ховар»/. Дар доираи таҷлили Рӯзи Ваҳдати миллӣ ва 25- солагии Истиқлолияти давлатӣ намояндагон ва роҳбарони нашрияҳо бо сарварии раиси Иттифоқи журналистони Тоҷикистон Зинатулло Исмоилзода ба ВМКБ сафар намуданд, ки зимни он аз ноҳияҳои Дарвоз, Ванҷ, Рӯшон, Шуғнон ва Ишкошим дидан мекунанд.
Дирӯз ҳайати журналистонро раиси ВМКБ, муовини раиси Маҷлиси миллии Маҷлиси Олии Ҷумҳурии Тоҷикистон Шодихон Ҷамшед ба ҳазур пазируфта, дар мавриди дастовардҳои ВМКБ маълумот дод.
Ҳамчунин имрӯз дар шаҳри Хоруғ таҳти унвони «Саҳми ВАО дар Ваҳдати миллӣ» суҳбати «мизи муддавар» доир гардид. Дар он гузориши директори Маркази тадқиқоти стратегии назди Президенти ҶТ Худобердӣ Холиқназар, муовини раиси Ҳаракати Ваҳдати миллӣ ва эҳёи Тоҷикистон Мирзошорух Асрорӣ, директори Академияи ВАО Зинатулло Исмоилзода шунида шуд.
Дар фосилаи чорабиниҳо аёдати собиқадорони матбуот ва суҳбат бо журналистон доир мешавад.