Ҳамоиш бахшида ба «Соли фарди солим» дар Панҷакент

Душанбе, 03.06.2016 /АМИТ «Ховар»/. Дар тарабхонаи «Дӯстӣ»-и маркази шаҳри Панҷакент бахшида ба  «Соли фарди солим» дар мавзӯи «Баробарҳуқуқии зан ва мард. Пешгирии хушунат дар оила» ҳамоиш баргузор гардид.
Дар ҳамоиш намояндагони ташкилотҳои ҷамъиятӣ, ҷамоатҳои деҳот, табибон аз беморхонаи марказии шаҳр ва Маркази саломатии шаҳр, инчунин ҳуқуқшиносон иштирок намуда, оид ба пешгирии никоҳи хешутаборӣ, зӯроварӣ дар оила, баробарҳуқуқии марду зан дар оила, таълиму тарбияи кӯдакон, тарғибу ташвиқи тарзи ҳаёти солим дар ҷомеа мубодилаи афкор намуданд.
Бояд зикр кард, ки соли 2016 дар вилояти Суғд «Соли фарди солим» Эълон гардида, дар ҳамаи шаҳру навоҳии он чунин чорабиниҳо ба роҳ монда мешаванд, зеро давлати солим аз фарди солим ва оилаи солим вобаста аст.